ისრაელ-საქართველოს მრავალპროფილური კლინიკა
2022-06-22
მზის დაკვრა - სიმპტომები და დაზიანებები
მზის დაკვრა სითბური დაზიანების ყველაზე სერიოზულ ფორმას წარმოადგენს, ის გამოწვეულია ადამიანის ორგანიზმის გადახურებით და ვითარდება როდესაც ორგანიზმის ტემპერატურა 40 გრადუსს აჭარბებს.
მზის დაკვრამ შესაძლოა გამოიწვიოს:
- საერთო სისუსტე;
- თავის ძლიერი ტკივილი;
- თავბრუსხვევა;
- გულისრევა და ღებინება;
- არითმია;
- ცხვირიდან სისხლდენა;
- პირის სიმშრალე;
- ძლიერი წყურვილის შეგრძნება;
- თვალების ტკივილი და დაბინდვა;
- შუილი ყურებში;
მზის დაკვრას შესაძლებელია თან დაერთოს დამწვრობა, ამ შემთხვევაში არის რისკი განვითარდეს კრუნჩხვა, გონების დაკარგვა, ჰალუცინაციები. უმნიშვნელოვანესია ექიმის მეთვალყურეობა და დროულად დანიშნული სწორი მკურნალობა.
რისკ ჯგუფს მიეკუთვნებიან:
- ბავშვები;
- მოზარდები;
- ხანდაზმულები;
- ღია კანის ფერის მქონე პირები;
- ჭარბწონიანები;
- მათ ვისაც აწუხებს სისხლძართვთა პრობლემები
რჩევები:
- აუცილებელია მოერიდოთ მაღალ რადიაციულ ფონს;
- გამოიყენეთ მზისგან დამცავი საშუალებები, ქუდი და მზის სათვალე;
- დეჰიდრატაციის თავიდან ასაცილებლად, არ დაგავიწყდეთ სითხის ხშირი მიღება;
- თავი შეიკავეთ მუქი ფერის ტანსაცმლის გამოყენებისგან;
- შეინარჩუნეთ ტენიანობა იმ სივრცეში, სადაც მეტ დროს ატარებთ;
სიმპტომების გამოვლენისთანავე მიმართეთ ექიმს, რათა თავიდან აიცილოთ მზის დაკვრისგან გამოწვეული გართულებები.