2023-07-01
ევროპის ენდოკრინოლოგთა საზოგადოების კონგრესი
13-16 მაისს, თურქეთმა ევროპის ენდოკრინოლოგთა საზოგადოების 25-ე ყოველწლიურ კონგრესს უმასპინძლა, სტამბოლში გამართულ შეხვედრას მსოფლიოს სხვადასხვა კუთხიდან მოწვეული ენდოკრინოლოგები ესწრებოდნენ.
პირველად ევროპის ენდოკრინოლოგთა ყოველწლიური კონკრესის ისტორიაში ერთ-ერთი სესიის თავმჯდომარედ მიწვეული იყო ქართველი ექიმი, კლინიკა ჰელსიკორის ენდოკრინოლოგიური განყოფილების ხელმძღვანელი, საქართველოს ენდოკრინოლოგიისა და მეტაბოლიზმის ასოციაციის (GAEM) დამფუძნებელი და პრეზიდენტი - ნათია ვაშაყმაძე.
კონგრესის ფარგლებში იგი იყო 2 სესიის თავმჯდომარე:
დიაბეტი, სიმსუქნე, მეტაბოლიზმი და ნუტრიცია - ორალური კომუნიკაცია;
დიაბეტი, სიმსუქნე, მეტაბოლიზმი და ნუტრიცია - სწრაფი კომუნიკაცია
გარდა ამისა, წარადგინა საინტერესო და იშვიათი კლინიკური შემთხვევა ელექტრონული პოსტერის სახით.